• अर्थ सरोकार सम्बाददाता

काठमाडौं । युएईको शारजाहबाट १६८ जना नेपाली नागरिक लिएर एयर अरेवियाको आज साँझ काठमाडौं आइपुग्ने भएको छ । जहाज ६ बजे काठमाडौं अवतरण गर्ने त्रिभुवन अन्तर्राष्ट्रिय विमानस्थल कार्यालयले जानकारी दिएको छ । 

आज दिउँसो ४ बजे आइपुग्‍ने समय तालिका भए पनि शारजाहबाट उड्न ढलाइ हुँदा ६ बजे मात्रै अवतरण गर्ने भएको हो । विमानस्थल कार्यालयका अनुसार उक्त विमानमा एक जना बच्चासहित १६८ जना छन् । सरकारले रोजगारीमा विभिन्न देशमा गएका नेपाली स्वदेश फर्कन चाहेमा ल्याउन दिने निर्णय गरेसँगै नेपाली रहेका विभिन्न देशका सरकार एवं नेपालस्थित राजदूतावासमार्फत् प्रक्रिया अगाडि बढाएको थियो । यस्तै सरकारले आज बिहान ११ बजे म्यानमारबाट २६ जना नेपालीको उद्दार गरेको थियो ।