• अर्थ सरोकार सम्बाददाता 

उदयपुर । उदयपुरको एकै गाउँमा ४ जनामा कोरोना संक्रमण पुष्टी भएको छ । बीपी कोइराला स्वास्थ्य विज्ञान प्रतिष्ठान धरानको प्रयोगशालामा गरिएको परीक्षणमा उनीहरुलाई कोरोना पुष्टी भएको जिल्ला स्वास्थ्य कार्यालयले जनाएको हो ।

त्रियुगा नगरपालिका ४ वगाहाका ३६, ४६,४८ वर्षीय पुरुष र २८ वर्षीया महिलामा कोरोना संक्रमण पुष्टी भएको हो । बुधबार थप चार जनामा कोरोना पुष्टी  भएसँगै उदयपुरमा कुल संक्रमितको संख्या ४७ पुगेको छ । संक्रमितमध्ये ३८ जना पुरुष र ९ जना महिला रहेका छन् । उपचार पछि निको हुनेको संख्या ३३ पुगेको छ ।