• अर्थ सरोकार सम्बाददाता 

काठमाडौं । नेपालमा थप १०३ जना कोरोना संक्रमित व्यक्ति निको भएका छन् । स्वास्थ्य तथा जनसंख्या मन्त्रालयका प्रवक्ता डा. विकास देवकोटाले शुक्रबार १०३ जनाले कोरोना जितेर फर्किएसंगै यो संख्या ४ सय ६७ पुगेको जनाएका हुन् ।  

जसमा ३९९ पुरुष  र ६८ जना महिला रहेका छन् । आज धरानबाट झापाका १२ जनाले कोरोना जितेर डिस्चार्ज भएका छन् भने बाराबाट ३४ जना, काठमाडौंको बलम्बु अस्पतालबाट महोत्तरीका १ जना, बुटवलबाट २७ जना, दाङबाट १० जना र गौरबाट १८ जना डिस्चार्ज भएको प्रवक्ता देवकोटाले बताए । यस्तै शुक्रबार थप २१३ जनामा कोरोन संक्रमण पुष्टि भएको छ । २०९ जना पुरुष र ४ जना महिलामा कोरोना पुष्टी भएको हो ।

हालसम्म पिसिआर विधिबाट ९६ हजार २०५ र आरडीटी विधिबाट १ लाख ४५ हजार ४९ नमूना परीक्षण भएका छन् । गत २४ घन्टामा पिसिआर विधिबाट ३७ सय २८ र आरडीटी विधिबाट ७६ सय १४ परीक्षण नमूना भएका छन्।