">
- अर्थ सरोकार सम्बाददाता
काठमाडौं – वोमी लघुवित्त वित्तीय संस्था लिमिटेडले आठाैँ वार्षिक साधारणसभा असार १९ गते (शुक्रबार) बोलाएको छ । संस्थाको उक्त साधारणसभा बनेपा नगरपालिका – १४, साँगा, काभ्रेस्थित कम्पनीकाे केन्द्रीय कार्यालयमा बिहान १०:३० बजेबाट सुरू हुनेछ । यसअघि चैत्र १६ गते आइतबार गर्ने भनिएकाे सभा काेराेना भाइरसकाे जाेखिमका कारण स्थगित भएकाे थियाे ।
सभामा २५% बोनस सेयर र कर प्रयोजनको लागि १.३१६% नगद लाभांश वितरण गर्ने प्रस्ताव पेश गरिनेछ । त्यसैगरी, सभामा संस्थाकाे सञ्चालक समितिकाे तर्फबाट अध्यक्षद्वारा आर्थिक वर्ष २०७५/७६ को वार्षिक प्रतिवेदनबारे छलफल गरी पारित गरिनेछ । त्यस्तै, संस्थाकाे आर्थिक वर्ष २०७५/७६ काे लेखापरीक्षण प्रतिवेदन, वासलात, नाफा नाेक्सान हिसाब र साेहि अवधिकाे नगद प्रवाह विवरण लगायतका वित्तिय विवरणहरू छलफल गरी पारित गरिनेछ । सभामा आर्थिक वर्ष २०७६/७७ को लागि लेखापरीक्षक नियुक्ति गरी पारिश्रमिक पनि ताेकिनेछ ।
संस्थाले साधारण सभा तथा लाभांश वितरण प्रयाेजनार्थका लागि फागुन ३० गते शुक्रबारबाट चैत्र १६ गतेसम्म संस्थाकाे शेयर दाखिला खारेज बन्द गरेकाे थियाे । तसर्थ चैत्र १५ गतेसम्म नेप्सेमा कारोबार भई कायम शेयरधनीहरुले मात्र साधारण सभामा भाग लिन सक्नेछन् ।
