• अर्थ सरोकार सम्बाददाता 

काठमाडौं । अहिलेसम्म ६ जिल्ला कोरोनामुक्त भएका छन् ।  स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पाँचथर, भोजपुर, संखुवासभा, रसुवा, मनाङ र मुस्ताङ कोरोनामुक्त भएको बताएका हुन् ।उनले  तीन जिल्लामा पाँच सय बढी बिरामी रहेको पनि जानकारी दिए । रौतहट, कैलाली र बाजुरामा कोरोना भाइरसका ५ सय बढी बिरामी रहेको बताएका हुन् । 

आइतबार मात्र नेपालमा थप १३० जनामा कोरोना संक्रमण पुष्टी भएको छ । मन्त्रालयका प्रवक्ता डा. गौतमका अनुसार नयाँ सहित कूल संक्रमितको संख्या १८ हजार ६ सय १३ पुगेको हो । मन्त्रालयका अनुसार पछिल्लो २४ घन्टामा ७५ जनाले कोरोना जितेर घर फर्किएका छन् । योसहित कोरोना जित्नेको कुल संख्या १३ हजार १२८ पुगेको छ।