- अर्थ सरोकार सम्बाददाता
फिदिम : पाँचथर सदरमुकाम फिदिम बजारको एक घरमा जुवा खेलिरहेका २३ जनालाई प्रहरीले पक्राउ गरेको छ । जिल्ला प्रहरी कार्यालय पाँचथरबाट खटेको प्रहरी टोलिले आइतबार राती उनीहरुलाई पक्राउ गरेको हो ।
जुवाको खालबाट दुई लाख ४७ हजार ९ सय रुपैयाँ समेत बरामत गरिएको प्रहरी निरीक्षक रोहनराज अर्यालले जानकारी दिए । पक्राउ परेकालाई म्याद थप गरी अनुसन्धान गर्ने तयारी भइरहेको छ ।
पक्राउ पर्नेहरुको नाम प्रहरीले सार्वजनिक गरेको छैन् । अनुसन्धान भइरहेकाले नाम सार्वजनिक नगरिएको अर्यालको भनाइ छ । फिदिममा सञ्चालित समर्पित अस्पतालका सञ्चालक, फिदिम नगरपालिकाका एक कर्मचारी, राजनीतिक दलका नेता, फिदिम माविका एक शिक्षक, निर्माण व्यवसायी, सवारी चालक लगायतलाई पक्राउ गरिएको प्रहरीको भनाइ छ ।
