• सुदर्शन श्रेष्ठ/अर्थ सरोकार सुदूरपश्चिम ब्युरो 

धनगढी । जग्गामा कुरा नमिलेपछि धनगढीमा सडक विस्ताको काम रोकिएको छ । धनगढी उपमहानगरपालिका वडा नम्बर १४ सि गाउँमा जग्गामा विवाद आएपछि सडक निर्माणको काम अस्तव्यस्त बनेको छ । 

बर्खायाममा सडक निर्माणको काम अघि बढेपछि समयमै नबन्दा सास्ति भोग्नुपरेको स्थानिय उमेश चौधरीले भने । चौधरीका अनुसार हुँदै गरेको सडक विस्तारको काममा जग्गाको विषयमा कुरा नमिलेपछि निर्माणकार्य अगाडी बढ्न सकेको छैन । “आवतजावतको मुख्य सडकको अवस्था नै यस्तो हुँदा हिँडडुल गर्न पनि समस्या भएको छ”, चौधरीले भने । 

यता वडा अध्यक्ष रामबजारी थारुले भने सडक निर्माणको क्रममा स्थानिय नेत्र प्रसाद तिवारीले विरोध गरेपछि काम रोकिएको बताए । उनले भने, “स्थानिय तिवारीको नक्सामा २१३ मिटर देखाएको छ तर फिल्डमा भने उक्त जग्गा देखिदैन, सडकको चौडाई १४ मिटरको बनाउनुपर्ने हो । मापदण्ड अनुसार सडक विस्तार गर्दा उनको घर भत्काउनुपर्छ र उनले त्यो कुरामा विरोध गरेपछि निर्माण कार्य रोकिएको हो ।”