- अर्थ सरोकार सम्बाददाता
बाँके । अख्तियार दुरुपयोग अनुसन्धान आयोगले भेरी अस्पताल नेपालगञ्जका कम्प्युटर अपरेटर अरुणराज खनाललाई स्रोत नखुलेको १६ लाख १३ हजार नौ सय ७५ रुपैयाँसहित पक्राउ गरेको छ । आयोगको सम्पर्क कार्यालय नेपालगञ्जको टोलीले खनाललाई अस्पतालबाटै पक्राउ गरेको हो । कम्प्युटर अपरेटर भए पनि खनाल लामो समयदेखि अस्पतालको स्टोरकीपरको रुपमा काम गर्दै आएका थिए ।
रकमको स्रोत नखुलेको भन्दै विभिन्न पक्षसँग कमिसनबापत बुझेको रकम हुन सक्ने भन्दै अनुसन्धान थालिएको आयोगको सम्पर्क कार्यालयका प्रमुख गणेश गैरेले जानकारी दिनुभयो ।
