- अर्थ सरोकार सम्बाददाता
काठमाडौं । बैंकिङ्ग कसुर सम्बन्धी मुद्दाका फरार प्रतिवादीलाई प्रहरीको केन्द्रीय अनुसन्धान ब्युरो (सीआईबी) ले पक्राउ गरेको छ । पक्राउ पर्नेमा उच्च अदालत, पाटनद्वारा दोषी ठहर भएका नुवाकोटको साविक थानापति गाविस-९ घर भई ललिपुर जिल्लाको ललितपुर महानगरपालिका-१४ तिखीदेवल बस्ने ४३ वर्षीय पारस लोहोनी रहेका छन् ।
उच्च अदालत, पाटनले २५ दिन कैद र २४ लाख रुपैयाँ जरिवाना सजाय फैसला गरे पनि उनी फरार थिए । उनीविरुद्ध २९ माघ २०७६ मा अदालतले सजाय फैसला सुनाएको थियो । काठमाण्डौंस्थित मातातिर्थ क्षेत्रमा लुकिछिपी बसेको अवस्थामा उनलाई सोमबार पक्राउ गरी फैसला कार्यान्वयनको लागि मंगलबार ललितपुर जिल्ला अदालतमा पेश गरिएको व्युरोले जनाएको छ ।
