- अर्थ सरोकार सम्बाददाता
बारा । बाराको कलैया उपमहानगरपालिका-२३, बैराठपुरस्थित एक गोठमा आगलागी भएको छ । बैराठपुरस्थित छोटेलाल राउत पटेलको गोठमा लामखुट्टे धपाउन बालेको घुरबाट आइतबार बिहान आगलागी हुँदा करिब तीन लाख ६५ हजार रूपैयाँ बराबरको धनमाल जलेर नष्ट भएको हो ।
रौतहटको राजपुर नगरपालिका-८, बलुवा बस्ने शेख अकरमको भान्सा घरमा लामखुट्टे धपाउन राखेको आगोबाट शनिबार बेलुका आगलागी हुँदा करिब ६० हजार रूपैयाँ बराबरको धनमाल जलेर नष्ट भएको छ । आगो निभाउने क्रममा जलेर घाइते भएकी अकरमको १४ वर्षीया छोरीको स्थानीय मेडिकल राजपुरमा उपचार भइरहेको छ।
