• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार बजार बढेको छ । बुधबारको तुलनामा बजार १०.१३ अंकले बढेर १४४२.६१ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८७ कम्पनीको ३३ लाख ९२ हजार ९६९ कित्ता सेयर खरिद बिक्री हुँदा १ अर्व ३२ करोड रुपैयाँमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल ११ करोड ३२ लाखमाथिको कारोबार भएको छ । त्यसपछि कारोबार क्रमश : नेपाल लाइफ इन्स्योरेन्स र शिखर इन्स्योरेन्सको भएको छ ।

यता बिहिबार कारोबारमा विकास बैंक र म्युचुअल फण्ड उपसुचकहरु घटेका छन् भने बाँकी सबै उपसूचक ब बढेका छन् । सबैभन्दा धेरै तारागाउँ रिजेन्सी होटल्स र मिर्मिरे माइक्रोफाइनान्सलगायत कम्पनीका लगानीकर्ताले कमाएका छन् भने सबैभन्दा धेरै मल्टिपर्पोज फाइनान्स र हिमालयन उर्जा विकासलगायतका कम्पनीका लगानीकर्ताले गुमाएका छन् ।