- अर्थ सरोकार सम्बाददाता
काठमाडौँ । साताको कारोबारको दोस्रो दिन सोमबार सेयर बजार घटेको छ । आइतबारको तुलनामा बजार २.६२ अंकले घटेर १४६२.४८ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८७ कम्पनीको ४२ लाख ५७ हजार १६१ कित्ता सेयर खरिद बिक्री हुँदा १ अर्ब ८१ करोड माथिको कारोबार भएको छ । जसमा सबैभन्दा बढी कारोबार नेपाल लाईफ इन्स्योरेन्सको भएको छ । यस कम्पनीको कुल १७ करोड ४४ लाखमाथिको कारोबार भएको छ । त्यसपछि कारोबार क्रमश : नेपाल पुनर्बिमा कम्पनी र नबिल बैंकको भएको छ ।
यता, सोमबारको कारोबार विकास बैंक, म्यानुफक्चार एण्ड प्रोडक्सन,अन्य र माइक्रोफाइनान्स उपसुचकहरु बढेका छन् भने बाँकी सबै उपसुचक घटेका छन् । सबैभन्दा धेरै जोशी हाइड्रोपावर र एनआईसी एशिया लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै कर्पोरेट डेभलपमेन्ट बैंक र ओरेन्टेल होटल लगायत कम्पनीका लगानीकर्ताले गुमाएका छन् ।
