• अर्थ सरोकार सम्बाददाता 

विराटनगर । विराटनगरको विराट नर्सिङ होमका चार जना स्टाफ नर्सलाई कोरोना संक्रमण पुष्टी भएको छ ।उनीहरुमा आइतबार संक्रमण पुष्टी भएको हो । कोरोना संक्रमित हुनेहरुमा २१, ३०, ३१ र ५६ वर्षीया स्टाफ नर्स रहेका छन् । यससँगै नर्सिङ होममा कोरोना संक्रमितको संख्या ५ पुगेको छ । 

थप कोरोना संक्रमित नर्सहरु विराटनगर ५ र १० नम्बर वडाका रहेको विराटनगर महानगरपालिका जनस्वास्थ्य महाशाखा प्रमुख रमेश कार्कीले बताएका छन् । ५८ जनामा कोरोना परिक्षण गरिएकोमा ४ जनाको कोरोना रिपोर्ट पोजेटिभ आएको हो ।