• अर्थ सरोकार सम्बाददाता 

वीरगञ्ज । वीरगञ्जमा कोरोना संक्रमणबाट थप एक व्यक्तिको मृत्यु भएको छ । जगदम्बा इन्टर प्राइजेजका प्रमुख कार्यकारी अधिकृत ५६ वर्षीय पुरुषको मृत्यु भएको हो ।

भारतको दिल्ली घर भएका उनी वीरगञ्ज–११ श्रीपुरमा बस्दै आएका थिए। उनको गएराति ११ बजे निधन भएको नारायणी अस्पतालका मेडिकल सुपरीटेन्डेन्ट डा. मदन उपाध्यायले जानकारी दिए । उनी मुटुको रोगी थिए साथै कोरोना संक्रमण पुष्टी भएपछि अवस्था झन् गम्भिर भयो। जसका कारण आईसीयु र भेन्टिलेटरमा समेत राखेर उपचार गर्दा पनि बचाउन सकिएन। 

मुटुको बाइपास सर्जरी गरेका उनलाई साउन ६ गते कोरोना संक्रमण पुष्टि भएपछि साउन ७ गते दिउँसो साढे १ बजे वीरगञ्जस्थित अस्थायी कोरोना विशेष अस्पताल गण्डकमा भर्ना गरिएको थियो ।