">
- अर्थ सरोकार सम्बाददाता
काठमाडौँ । आज (शुक्रबार) काठमाडौं उपत्यकाको विभिन्न ठाउँमा बत्ती जाने भएको छ । चक्रपथ विस्तारको काम सञ्चालनका कारण काठमाडौँका केही ठाउँमा आज दिउँसो बिजुली नआउने भएको हो । कुलेश्वर वितरण केन्द्र अन्तर्गत पर्ने स्युचाटार पुलदेखि सितापाइला चोक सम्मको चक्रपथ विस्तार कार्यक्रम अन्तर्गतको विद्युतीय संरचना स्थानान्तरण तथा हटाउने काम भइरहेकाले केही ठाउँमा बिजुली नआउने नेपाल विद्युत प्राधिकरणले जनाएको छ ।
प्राधिकरणका अनुसार आज बिहान ११ बजेदेखि दिउँसो तीन बजेसम्म स्युचाटार–स्वयम्भु फिडर सटडाउनमा राखेर काम गर्नुपर्ने भएकोले त्यस फिडर अन्तर्गत वितरित स्थानहरु सोल्टी दोबाटो , सितापाइला , सिभिल होम्स, अलकत्रा उद्योग ,पदमा कोलोनी , रामकोट ,भिमढुँगा, छत्रे देउराली लगायतका स्थानहरुको विद्युत लाइनमा अवरोध हुनेछ ।
उद्यपि काम छिटो सकिएमा तोकिएको समय भन्दा अगावै लाइन सञ्चालन हुनसक्ने समेत प्राधिकरणले जनाएको छ ।
