• अर्थ सरोकार सम्बाददाता 

काठमाडौं । प्राविधिक शिक्षा तथा व्यावासायीक तालिम परिषद् (सीटीईभीटी)को परीक्षा भदौ दोस्रो साताबाट सुरु गर्ने भएको छ । कोरोना फैलिने डरले गत चैत ११ गतेदेखि सरकारले गरेको लकडाउनका कारण स्थगित भएको परीक्षा भदौ दोस्रो साताबाट सुरु गर्ने भएको हो  । 

सरकारले निर्धारण गरेको स्वास्थ्य मापदण्ड पालना र भौतिक दुरी कायम गरेर परीक्षा सञ्चालन गर्न लागिएको सीटीईभीटीद्वारा मंगलबार जारी सूचनामा उल्लेख छ । परीक्षाको विस्तृत तालिका भने केही दिनपछि मात्रै प्रकाशित हुने जनाइएको छ । सरकारले भदौ महिनादेखि परीक्षा सञ्चालन गर्ने निर्णय गरेपछि आफूहरूले परीक्षाको तयारी गरेको सीटीईभीटीले जनाएको छ ।