- अर्थ सरोकार सम्बाददाता
धनगढी । सुदूरपश्चिम प्रदेशमा सोमबार थप ६ जनामा कोरोना पुष्टि भएको छ । स्वास्थ्य तथा जनसंख्या मन्त्रालयका प्रवक्ता डाक्टर जागेश्वर गौतमका अनुसार डडेल्धुरा अस्पतालको प्रयोगशालामा डडेल्धुराका दुई जना, बझाङका एक जना र धनगढीस्थित सेती प्रादेशिक अस्पतालको प्रयोगशालामा गरिएको परिक्षणमा ३ जनामा कोरोना संक्रमण पुष्टी भएको हो ।
धनगढीस्थित सेती प्रादेशिक अस्पतालको प्रयोगशालामा कैलालीको मोहन्याल गाउँपालिकाका वडा नम्बर ३ का ४४ बर्षिय पुरुष, कैलारी गाउँपालिका वडा नम्बर ७ का २५ बर्षिय युवक र दार्चुलाको नौगाढ गाउँपालिका वडा नम्बर ७ का २८ बर्षिय पुरुषमा कोरोना देखिएको हो।
पछिल्लो केही दिन यता सुदूरपश्चिम प्रदेशमा कोरोना संक्रमणदर घट्दै गएको छ । यो सँगै सुदूरपश्चिम प्रदेशमा कोरोना संक्रमितको संख्या तीन हजार नौँ सय २० पुगेको छ।
