">
- अर्थ सरोकार सम्बाददाता
काठमाडौं । पछिल्लो २४ घण्टामा १३२ जना कोरोनामुक्त भएर डिस्चार्ज भएका छन् । स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले पछिल्लो २४ घण्टामा १३२ जना निको भएर घर फर्किएको बताएका हुन् । जससंगै निको हुनेको संख्या ६ हजार ५४७ पुगेको छ । यस्तै आज मात्रै २९३ जनामा संक्रमण पुष्टी भएको छ । संक्रमितको कुल संख्या १५ हजार ७८४ पुगेको स्वास्थ्य तथा जनसंख्या मन्त्रालयले जनाएको छ ।
यस्तै मन्त्रालयले क्वारेन्टिनमा बस्नेहरुलाई अनिवार्य रुपमा मास्क प्रयोग गर्न आग्रह गरेको छ । देशभरका क्वारेन्टिनमा ३१ हजार ५ सय ७३ जना रहेको मन्त्रालयले जनाएको छ ।
