">
- अर्थ सरोकार सम्बाददाता
पोखरा । शुक्रबार गण्डकी प्रदेशमा थप ३२ जनामा कोरोना संक्रमण पुष्टी भएको छ । प्रदेश क्षयरोग केन्द्र पोखरा र भरतपुर अस्पताल, चितवनमा गरिएको परीक्षणमा ४ जिल्लाका थप ३२ जनामा कोरोना संक्रमण पुष्टी भएको हो ।
शुक्रबार कोरोना संक्रमण पुष्टि हुनेमा १९ जना नवलपरासीका छन् । तनहुँका ९ जनामा कोरोना पुष्टि भएको छ । यस्तै पर्वतको बिहादी, पैयूँ र फलेबास नगरपालिकामा २९, १८ र ३४ वर्षका ३ पुरुषमा कोरोना भाइरस पोजेटिभ देखिएको छ । बागलुङको जैमिनी नगरपालिकामा पनि २१ वर्षीय एक पुरुषमा पनि कोरोना संक्रमण पुष्टि भएको छ ।
संक्रमितहरु सम्बन्धित स्थानीय तहको क्वारेन्टिनमा रहेको र जिल्लाको आइसोलेसनमा ल्याउने तयारी भइरहेको छ । योसँगै गण्डकी प्रदेशमा कोरोनाबाट संक्रमित हुनेको संख्या १ हजार ६३ पुगेको छ ।
