• अर्थ सरोकार सम्बाददाता 

कास्की । बुधबार गण्डकी प्रदेशमा थप २८ जनामा कोरोना संक्रमण पुष्टी भएको छ । प्रदेशका ६ जिल्लामा २८ जनामा संक्रमण पुष्टी भएको हो । प्रदेश स्वास्थ्य निर्देशनालयका अनुसार पूर्वी नवलपरासीका १२ जना छन् । 

गोरखाका ३, स्याङ्जाका ८, बागलुङका ३, तनहुँको शुक्लागण्डकी र कास्कीको पोखरा महानगरपालिकामा एक/एक जनामा कोरोना संक्रमण पुष्टि भएको छ । योसँगै गण्डकी प्रदेशमा कोरोना संक्रमितको संख्या ९ सय ९४ पुगेको छ । जसमध्ये २ जना संक्रमितको उपचारकै क्रममा पोखरामा मृत्यु भएको छ भने कोरोना जितेर घर फर्किनेको संख्या २ सय १५ छ ।