• अर्थ सरोकार सम्बाददाता 

पोखरा । आज गण्डकी प्रदेशमा थप तीन जनामा कोरोना संक्रमण पुष्टी भएको छ । म्याग्दी, तनहुँ र बाग्लुङमा एक/एक जनामा कोरोना संक्रमण पुष्टी भएको प्रदेश स्वाथ्य निर्देशनालयले जनाएको हो । 

म्याग्दीमा ३३ वर्षीय पुरुष, तनहुँमा २९ वर्षीय पुरुष र बाग्लुङमा २४ बर्षीया महिलामा कोरोना संक्रमण देखिएको हो । संक्रमित सवैलाई सम्बन्धित जिल्लाका आइसोलेशनमा लैजाने तयारी भएको छ। योसंगै गण्डकी प्रदेशमा कोरोना संक्रमितको संख्या १ हजार १ सय १६ पुगेको छ । 

यस्तै चितवनमा पनि ५ जनामा कोरोना संक्रमण पुष्टी भएको छ । भरतपुर प्रयोगशालामा गरिएको परीक्षणमा चितवनको माडी नगरपालिकाका चार जना पुरुष र रत्ननगर नगरपालिकाका एक जनामा महिलामा संक्रमण उश्ती भएको हो ।