• अर्थ सरोकार सम्बाददाता 

काठमाडौं । प्रहरीले सुनचाँदी पसलमा चोरी गरेको आरोपमा तीन जना पक्राउ गरेको छ । उदयपुरका सुमित भन्ने गंगाबहादुर तामाङ, महोत्तरीको बुद्धबहादुर माझी र उदयपुरकै विक्रम भनिने जंगबहादुर रायमाझीलाई प्रहरीले पक्राउ गरेको हो ।

महानगरीय अपराध अनुसन्धान महाशाखाको टोलीले दुई जनालाई मोरङको उर्लाबारी र एक जनालाई काठमाडौंबाट पक्राउ गरेको हो । उनीहरुले लाजिम्पाटको पबी जवेलर्समा रहेको एक किलो एक सय ५० ग्राम सुन, ८ किलो ५ सय ६० ग्राम चाँदी र नगदसमेत गरी ८५ लाख ६ सय ४२ रुपैयाँ बराबरको चोरी गरेको अनुसन्धानबाट देखिएको छ । जेलबाट छुटेको एक महिनामै उनीहरुले यो चोरी गरेको महाशाखा प्रमुख एसएसपी दिपक थापाले बताए ।