• अर्थ सरोकार सम्बाददाता 

काठमाडौं । मंगलबार बिहान काठमाडौँको कमलादीमा १५ किलो सुन भएको झोला फालेर भागेका ३ जनालाई प्रहरीले पक्राउ गरेको छ । पक्राउ पर्नेमा देवान पटेल, विजय पटेल र निलेश सखिया छन् । महानगरीय अपराध महाशाखाले जिप्रका नवलपरासी पूर्वको समन्वयमा तीन आरोपीलाई दुम्कीबासबाट पक्राउ गरेको हो ।

उनीहरुले फलेको झोलाबाट प्रहरीले १५ किलो सुन र दुई थान हतियार फेला पारेको थियो । अनुसन्धानका क्रममा १५ किलो पहेंलो धातुमध्ये ५ सय ग्राम मात्रै सक्कली सुन भएको पुष्टी भएको थियो । महानगरीय प्रहरी कार्यालयका डिआईजी विश्वराज पोखरेलले तीन आरोपी पक्राउ गरिएको बताए । शंकास्पद व्यक्तिलाई नियन्त्रणमा लिइएको बताउँदै उनले संलग्नताबारे अनुसन्धान भइरहेको बताए ।