">
- अर्थ सरोकार सम्बाददाता
काठमाडौं । काठमाडौंको धुम्बाराहीमा रहेको ह्याम्स अस्पतालले कोरोना भाइरसको सशुल्क आरटी-पीसीआर परीक्षण सुरु गरेको छ । स्वास्थ्य तथा जनसङख्या मन्त्रालयले अस्पताललाई शुल्क लिएर कोरोना परीक्षण गर्न अनुमति दिएको हो । यसअघि मन्त्रालयले स्टार अस्पताल र सिनामंगलस्थित केएमसी अस्पताललाई शुल्क लिएर परिक्षण गर्न अनुमति दिएको थियो ।
अस्पताल सरकारले कोरोना परीक्षण शुल्क पाँच हजार पाँच सय तोकेको छ ।यससँगै रिपोर्ट आउन ३-४ दिन लाग्ने बाध्यता अन्त्य भएको अस्पतालले जनाएको छ । यसबाट अस्पतालमा पीसीआर परीक्षण सुरु भएपश्चात् शल्यक्रिया गर्नुपर्ने, अन्य उपचारका प्रविधि अपनाउनुपर्ने तथा आइसोलेसनमा राखेर उपचार गर्नुपर्ने बिरामीहरुलाई प्रत्यक्ष फाइदा पुग्नेछ । अस्पतालले पीसीआरको रिपोर्ट १२ घण्टाभित्रै उपलब्ध गराउने जनाएको छ ।
यस्तै, निरोगिताको प्रमाणपत्र चाहिएका वैदेशिक रोजगारीमा जाने व्यक्तिहरु, कूटनीतिक नियोगका कर्मचारीहरु, अन्य अस्पतालका बिरामीहरुले समेत अस्पतालबाट सशुल्क पीसीआर गराउन पाउनेछन् ।
