• अर्थ सरोकार सम्बाददाता 

सप्तरी । आइतबार सप्तरीका एक जना न्यायाधीशमा कोरोना संक्रमण पुष्टी भएको छ । जिल्लामा न्यायाधीश, एक जना प्रहरीसहित सात जनामा संक्रमण पुष्टी भएको हो । उच्च अदालत जनकपुरधामको राजविराज इजलासमा कार्यरत ५८ वर्षीय न्यायाधीशमा कोरोना संक्रमण पुष्टी भएको जिल्ला स्वास्थ्य कार्यालयका निमित्त प्रमुख दुनियाँलाल यादवले बताए ।

यसअघि उच्च सरकारी वकील कार्यालयका प्रमुखमा पनि कोरोना देखिएको थियो । त्यसपछि सरकारी वकील कार्यालयका साथै अदालतका न्यायाधीश र कर्मचारीको पनि स्वाब संकलन गरिएको थियो । अन्यको रिपोर्ट भने आउन बाँकी छ ।

आइतबार राजविराजस्थित वडा प्रहरी कार्यालयका एक जना २३ बर्षीय जवान पनि संक्रमित देखिएका छन् । स्वास्थ्य कार्यालयका प्रमुख यादवका अनुसार तिरहुत गाउँपालिका वडा नम्बर २ का ३९ वर्षीय पुरुष, वडा नम्बर ३ का ३८ बर्षीय, वडा नम्बर ४ का २६ वर्षीय, वडा नम्बर ५ का २८ वर्षका २ जनामा कोरोना संक्रमण पुष्टि भएको बताए । योसँगै सप्तरीमा कोरोना संक्रमितको संख्या ४ सय ३४ पुगेको छ ।