• अर्थ सरोकार सुदूरपश्चिम ब्युरो 

धनगढी । कैलालीमा लगातार परेको बर्षाका कारण आएको बाढीमा परि दुई जनाले ज्यान गुमाएका छन् । मंगलबारदेखि परेको अबिरल बर्षामा गाउँमा परेको बाढीमा बेपत्ता भएका दुई जनाले ज्यान गुमाएका हुन् । बाढीमा बेपत्ता भएका भजनी नगरपालिका वडा नम्वर ८ का ४० बर्षिय ईश्वर शाहको आज शव आज फेला परेको हो ।

शाहको शब बेपत्ता भएको ठाउँबाट एक किलोमिटर तल पथरैया र गौराखोलाको दोभान नजिक झाडीमा फेला परेको जिल्ला प्रहरी कार्यालय कैलालीका प्रबक्ता प्रहरी नायब उपरिक्षक प्रतिक बिष्टले बताउनुभयो । 

यसअघि बिहिवार बेपत्ता भएका मध्ये भजनी नगरपालिकाको जनकपुरका ११ बर्षीय स्केल चौधरीको शव फेला परेको थियो । अझै भजनी नगरपालिका ८ का चक्र बिक भने बेपत्ता नै रहेको प्रहरीले जनाएको छ । यता कैलाली जिल्लाभरी बाढी तथा डुबानको समस्यामा परि अनुमानित सात सय परिवार विस्थापित भएको जिल्ला प्रशासन कार्यालय कैलालीका सुचना अधिकारी शिबराज जोशीले जानकारी दिनुभयो । उहाँले भन्नुभयो, ‘अन्य विस्थापित परिवारको डाटा संकलनको कार्य चलिरहेको छ ।’