• अर्थ सरोकार सुदूरपश्चिम ब्युरो 

धनगढी । कैलालीमा गाउँपालिकाकै सूचना अधिकारी घुससहित पक्राउ परेका छन् । जिल्लाको जोशीपुर गाउँपालिकाका नासु तथा सूचना अधिकारी सिद्धराज जोशीलाई अख्तियारले ८५ हजार घुस सहित पक्राउ गरेको हो । 

जोशीलाई अख्तियार दरुपयोग अनुसन्धान आयोग कञ्चनपुरको टोलीले घुससहित पक्राउ गरेको हो । जोशीले सीपमुलक तालिममा सहजीकरण गरेको भन्दै ८५ हजार घुस लिएको कार्यालयका निमित्त प्रमुख महेश पाण्डेयले बताएका छन् ।