• अर्थ सरोकार सम्बाददाता 

काठमाडौं । बिहीबार काठमाडौंमा थप १ जनामा मात्रै कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयको नियमित कोरोना ब्रिफिङका क्रममा मन्त्रालयका प्रवक्ता डा. जागेश्वर गौतमले काठमाडौंमा थप १ जनामा संक्रमण पुष्टी भएको बताएका हुन् ।

योसँगै काठमाडौंंमा संक्रमित हुनेको संख्या २ सय ४५ पुगेको छ । काठमाडौं उपत्यकासहित पछिल्लो २४ घन्टामा देशका विभिन्न प्रयोगशालामा गरिएको परीक्षणका क्रममा थप १ सय ६७ जनामा कोरोना भाइरसको संक्रमण पोजेटिभ देखिएको हो। नेपालमा संक्रमितको संख्या १७ हजार ३ सय ४४ पुगेको छ।