• अर्थ सरोकार सम्बाददाता 

काठमाडौँ । साताको कारोबारको अन्तिम दिन बिहिबार सेयर बजार बढेको छ । बुधबारको तुलनामा बजार ७.५३ अंकले बढेर १४३९.०६ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८९ कम्पनीको ३४ लाख ३० हजार ५३२ कित्ता सेयर खरिद बिक्री हुँदा १ अर्ब ३२ करोड माथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल २२ करोड ९१ लाखमाथिको कारोबार भएको छ । त्यसपछि कारोबार क्रमश : नेपाल लाईफ इन्स्योरेन्स र एनआइसी एशिया बैंकको भएको छ ।

यता, बिहिबारको कारोबारमा सबै उपसुचक बढेका छन् । सबैभन्दा धेरै खानीखोला हाइड्रोपावर र आरम्भ चौतारी लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै घोडीघोडा लघुवित्त र गुराँस लघुवित्तलगायत कम्पनीका लगानीकर्ताले गुमाएका छन् ।