- अर्थ सरोकार सम्बाददाता
सिरहा । मास्क नलगाई हिँड्ने ६४ जना पक्राउ परेका छन् । प्रहरीले मङ्गलबार सिरहाबाट ६४ जनालाई पक्राउ गरी कारवाही गरेको हो । जिल्ला प्रहरी कार्यालय सिरहाका प्रवक्ता प्रहरी नायब उपरीक्षक विनोद घिमिरेले सरकारले कोरोना संक्रमणबाट बच्न मास्कको प्रयोग गर्न आग्रह गरिरहँदा पनि बेवास्ता गरी मास्क नलगाउने ६४ जनालाई कारवाही गरिएको बताए । पक्राउ परेका सबैलाई आवश्यक कारवाहीका लागि जिल्ला प्रशासन कार्यालय सिरहा पठाइएको उनले बताए ।
गृह मन्त्रालयले केहि दिन अघि सबै जिल्ला प्रशासन कार्यालयहरुलाई मास्क नलगाई हिड्नेलाई पक्राउ गर्न आदेश दिएको थियो ।
