- अर्थ सरोकार सम्बाददाता
कञ्चनपुर । कञ्चनपुरमा मेगा बैंक नेपाल लिमिटेडले आफ्नो ३२ औं एक्टेन्सन काउन्टरको विस्तार गरेको छ । जिल्लाको महेन्द्रनगरस्थित मालपोत कार्यालयमा बैंकले एक्सटेन्सन काउन्टर विस्तार गरेको हो ।
घरजग्गा सम्बन्धी कारोबार तथा राजश्व संकलन कार्य सहज तथा व्यवस्थित होस् भन्ने उद्देश्यले मेगा बैंकले महेन्द्रनगरस्थित मालपोत कार्यालयमा एक्टेन्सन काउन्टर विस्तार गरेको मेगा बैंकका सुदूरपश्चिम प्रदेश प्रमुख सागर ओझाले बताए । कार्यालयमा महेन्द्रनगर मालपोत कार्यालयका प्रमुख खेमराज खत्री र मेगा बैंकका सुदूरपश्चिम प्रदेश प्रमुख सागर ओझाले एक समारोहका बीच एक्सटेन्सन काउन्टरको औपचारिक रुपमा उद्घाटन गरेका हुन् ।
बिभिन्न सरकारी कार्यालयमा एक्सटेन्सन काउन्टर खोलेर सेवा र सञ्जाल विस्तार गर्ने बैंकको नीति अनुरुप मेगा बैंकले यसअघि महेन्द्रनगरस्थित यातायात कार्यालयमा पनि एक्सटेन्सन काउन्टर विस्तार गरेको छ । ग्राहकको विश्वास जित्दै अघि बढ्दै गरेको मेगा बैंकको यो ३२ औं एक्सटेन्सन काउन्टर रहेको प्रदेश प्रमुख ओझाले बताए । मेगा बैंकको देशभर २०६ वटा शाखा र १४२ वटा एटीएम सञ्जाल छन् ।
