• अर्थ सरोकार सम्बाददाता 

काठमाडौँ । साताको कारोबारको चौथौ दिन बुधबार सेयर बजार घटेको छ । मंगलबारको तुलनामा बजार १७.५० अंकले घटेर १४३२.४४ बिन्दुमा पुगेको छ । 

नेपाल स्टक एक्सचेन्ज (नेप्से)का अनुसार कुल १ सय ८३ कम्पनीको ३५ लाख ८६ हजार कित्ता सेयर खरिद बिक्री हुँदा १ अर्ब ५३ करोड माथिको कारोबार भएको छ । जसमा सबैभन्दा बढी कारोबार एनआइसी एशिया लघुवित्तको भएको छ । यस कम्पनीको कुल १८ करोड १५ लाखमाथिको कारोबार भएको छ । त्यसपछि कारोबार क्रमश : नेपाल पुनर्बिमा कम्पनी र नेपाल लाईफ इन्स्योरेन्सको भएको छ ।

यता, बुधबारको कारोबार होटल्स र म्युचुअल फण्ड उपसुचकहरु बढेका छन् भने बाँकी सबै उपसुचक घटेका छन् । सबैभन्दा धेरै ओरेटिएल होटल्स र तारागाउँ होटल्सलगायत कम्पनीका लगानीकर्ताले कमाएका छन् भने सबैभन्दा धेरै नेपालसेवा लघुवित्त र घलाम्दी हाइड्रोलगायत कम्पनीका लगानीकर्ताले गुमाएका छन् ।