• अर्थ सरोकार सम्बाददाता 

काठमाडौं । वीरगञ्जमा दुई चिकित्सकसहित १६ जनामा कोरोना संक्रमण पुष्टी भएको छ । नारायणी अस्पतालका मेडिकल सुपेरिटेन्डेन्ट डा. मदन उपाध्यायले दुई चिकित्सकसहित १६ जनामा बुधबार राति आएको रिपोर्टमा कोरोना संक्रमण देखिएको बताए ।

मंगलबार दिउँसो नमुना संकलन गरिएको थियो । संक्रमित सबै वीरगन्जकै हुन् । उनीहरूलाई नारायणी अस्पतालअन्तर्गतको गण्डक अस्थायी कोभिड अस्पतालमा आउने क्रममा रहेको उनले बताए ।  १६ जनामध्ये चार जनालाई आईसीयू चाहिने अवस्था रहेको अस्पतालले जनाएको छ ।