• अर्थ सरोकार सम्बाददाता 

काठमाडौँ । पछिल्लो २४ घण्टामा नेपालमा थप १ सय ४७ जना कोरोना संक्रमण मुक्त भएका छन् । आइतबार स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता प्राडा जागेश्वर गौतमले थप १ सय ४७ जना संक्रमितहरु कोरोना मुक्त भएर घर फर्केको बताए ।

योसँगै नेपालमा कोरोना मुक्त हुनेको संख्या ८ हजार ५८९ पुगेको छ। यस्तै आजै थप ८२ जनामा कोरोना भाइरस संक्रमण देखिएको छ । योसंगै नेपालमा संक्रमितको कुल संख्या १६ हजार ८०१ पुगेको छ ।