• अर्थ सरोकार सम्बाददाता 

काठमाडौं । प्रहरी प्रधान कार्यालय, नक्सालमा कार्यरत थप ६ जना अधिकारीमा कोरोना संक्रमण पुष्टी भएको छ । नेपाल प्रहरी अस्पतालमा गरिएको पिसीआर परीक्षणमा थप ६ जनामा संक्रमण देखाएको बताइएको छ । योसँगै प्रहरी मुख्यालयमा कार्यरत ३६ जना कर्मचारीमा संक्रमण पुष्टी भएको छ ।

संक्रमितमध्ये अधिकांश सवारी शाखाका छन् । केही सञ्चार शाखाका अधिकारीलाई पनि संक्रमण देखिएको छ । हालसम्म संक्रमण पुष्टी भएका हवल्दार र जवान छन् । पछिल्लो समय कोरोनाका बिरामी धमाधम फेला परिरहेका छन् ।