काठमाडौँ । साताको कारोबारको अन्तिम दिन बिहिबार सेयर बजार बढेको छ । बुधबारको तुलनामा बजार ४.५७ अंकले बढेर १३३१.१० बिन्दुमा पुगेको छ ।

नेपाल स्टक एक्सचेन्ज (नेप्से)का अनुसार कुल १ सय ७८ कम्पनीको २२ लाख २६ हजार २०३ कित्ता सेयर खरिद बिक्री हुँदा ९० करोड ८० लाखमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल २५ करोड १८ लाखमाथिको कारोबार भएको छ । त्यसपछि कारोबार क्रमश : नेपाल लाइफ इन्स्योरेन्स र छिमेक लघुवित्तको भएको छ ।

यता, बिहिबारको कारोबार बैंकिंग र व्यापार उपसुचकहरु घटेका छन् भने बाँकी सबै उपसुचक बढेका छन्। सबैभन्दा धेरै सुर्योदय लघुवित्त र एनआईसी एशिया लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै ग्लोबल आइएमइ सम्मुनत र नेसनल हाइड्रो पावर कम्पनीलगायतका कम्पनीका लगानीकर्ताले गुमाएका छन् ।