• अर्थ सरोकार सम्बाददाता 

कैलाली । नेपालमा कोरोना संक्रमितको व्यक्तिको संख्या झन्डै १६ हजार पुगेको छ । स्वास्थ्य मन्त्रालयले दिएको जानकारी अनुसार आज (सोमबार) सम्म संक्रमितको संख्या १५ हजार ९६४ पुगेको हो । यस्तै पछिल्लो २४ घण्टामा १८० जनामा कोरोना भाइरसको संक्रमण पुष्टी भएको छ भने २६४ जना निको भएका छन् । हालसम्म ६ हजार ८११ संक्रमित डिस्चार्ज भएको स्वास्थ्य मन्त्रालयले जनाएको छ।

मन्त्रालयका अनुसार हालसम्म प्रदेश १ मा ७१०, प्रदेश २ मा चार हजार १८४, बागमती प्रदेशमा ६३९, गण्डकी प्रदेशमा एक हजार १७५, प्रदेश ५ मा तीन हजार ९८४, कर्णाली प्रदेशमा एक हजार ५८१ र सुदूरपश्चिम प्रदेशमा तीन हजार ६९१ जनामा कोरोना संक्रमण पुष्टी भएको छ ।