• अर्थ सरोकार सम्बाददाता 

कैलाली । सुदूरपश्चिम प्रदेशमा थप ११३ जनामा कोरोना संक्रमण पुष्टि भएको छ । कोरोना संक्रमण पुष्टी भएसंगै सक्रिय संक्रमित संख्या २ हजार ११० पुगेको छ । 

राष्ट्रिय जनस्वास्थ्य प्रयोगशाला काठमाडौँमा १०१, त्रिवि शिक्षण अस्पताल महाराजगंजको प्रयोगशालामा २, वीर अस्पताल काठमाडौँको प्रयोशालामा, ७ र सेती प्रादेशिक अस्पताल धनगढीको प्रयोगशालामा ३ जनामा संक्रमण पुष्टि भएको स्वास्थ्य निर्देशनालय डोटीले मिडिया ब्रिफिङ्गमा जानकारी दिएको छ ।

पुष्टि भएका मध्ये कैलाली ११ पुरुष र ५ महिला, बाजुराका ५ पुरुष र २ महिला तथा अछामका ४९ पुरुष र १२ महिला रहेका छन् । त्यसैगरी डोटीका २ पुरुष र ५ महिला, बझाङ्गका १६ पुरुष र ४ महिला र बैतडीका १ पुरुष रहेको सामाजिक विकास मन्त्रालयले जानकारी दिए ।

अहिलेसम्म सुदूरपश्चिममा ४ सय ९५ जना संक्रमित निको भइ घर गइसकेका छन् भने ६ जनाको मृत्यु भइसकेको छ ।