">
- अर्थ सरोकार सम्बाददाता
सप्तरी । राजविराजमा बुधबार स्वास्थ्यकर्मीसहित १३ जनामा कोरोना संक्रमण पुष्टी भएको छ । गजेन्द्रनारायण सिंह सगरमाथा अस्पतालका एक नर्स र एक स्वीपरलाई कोरोना संक्रमण पुष्टी भएको छ ।
उक्त स्थानमा भारतबाट एक व्यापारीको अघिल्लो हप्ता कोरोना संक्रमणका कारण मृत्यु भएको थियो । मृत्यु भएकाको परिवारका सबै ५ जना तथा उनको पसलमा काम गर्ने २ जनालाई पनि कोरोना संक्रमण पुष्टी भएको थियो ।
मृतकका छिमेकी दम्पत्तिसमेत कोरोना संक्रमित भएका छन् । संक्रमण फैलिन नदिन बुधबारदेखि राजविराजमा लकडाउनलाई कडा पारिएको छ । यस्तै आज पर्सा, कालिकोट, दैलेख, स्याङ्जामा संक्रमित भेटिएका छन् ।
