">
- अर्थ सरोकार सम्बाददाता
राजविराज । कोरोनाबाट मृयु भएका राजविराज नगरपालिका–६ का ७२ वर्षीय वृद्धको परिवारका सबै सदस्यलाई कोरोना संक्रमण पुष्टी भएको छ । बीपी कोइराला स्वास्थ्य विज्ञान प्रतिष्ठान धरानमा भर्ना गरिएका ती वृद्धको साउन १ गते मृत्यु भएको थियो । मृत्युपछि उनको परिवारका सबै सदस्य र उनको पसलका कामदारहरु गरी २३ जनाको स्वाब संकलन गरिएको थियो ।
जसमध्ये उनको परिवारका २ पुरुष र ३ महिलामा संक्रमण पुष्टी भएको जिल्ला स्वास्थ्य कार्यालय सप्तरीका प्रमुख दुनियालाल यादवले जानकारी दिए । अझै अन्य १६ जनाको रिर्पोट आइनसकेको पनि उनले बताए । आइतबार मात्र सप्तरीमा ११ जना संक्रमित थपिएका छन् ।
