- अर्थ सरोकार सम्बाददाता
रौतहट । रौतहटको राजदेवी नगरपालिकाका वडाध्यक्षमा कोरोना संक्रमण पुष्टी भएको छ । काठमाडौं जानका लागि पीसीआर परीक्षण गराएका उनमा कोरोना संक्रमण पुष्टी भएको हो । श्रीमती करेन्ट लागेपछि वडाध्यक्ष जिल्ला अस्पताल गौर पुगेका थिए । करेन्ट लागेकी उनकी श्रीमतीको भने मृत्यु भएको थियो । उनको अन्तिम संस्कारमा एक सय भन्दा बढी मानिसहरु उपस्थित भएका थिए ।
वडाअध्यक्षको सम्पर्कमा आएका मानिसको पहिचान गरी पीसीआर परीक्षण भइरहेको छ । वडाध्यक्ष मुटु र मधुमेहको रोगीसमेत भएकाले थप उपचारका लागि काठमाडौं पठाउने तयारी भइरहेको छ । अन्य केही व्यक्तिहरु आजैबाट घरमै क्वारेन्टिनमा बसेको राजदेवी नगरपालिकाका मेयर धिरेन्द्र सिंहले बताए ।
