• अर्थ सरोकार सम्बाददाता 

वीरगञ्ज । नारायणी अस्पतालअन्तर्गतको गण्डक कोभिड अस्पतालमा आरडीटी पोजेटिभ देखिएका ६५ वर्षीय वृद्धको मृत्यु भएको छ । वीरगञ्ज आदर्शनगरका उनको आइतबार बिहान मृत्यु भएको हो । मधुमेह र मुटुरोगीका उनको उपचार गर्दागर्दै आइतबार बिहान ६ः४० बजे मृत्यु भएको गण्डक अस्पतालका संयोजक डा. उदयनारायण सिंहले बताए । 

उनको पीसीआर परीक्षणको रिपोर्ट आइसकेको छैन । मृतक वीरगञ्जको आदर्शनगरमा व्यवसाय गर्दै आएका थिए । कारोना रोगको संक्रमण बढ्न थालेपछि शनिबारदेखि वीरगञ्जमा निषेधाज्ञा लागु गरिएको छ ।