- अर्थ सरोकार सम्बाददाता
काठमाडौं । रिलायन्स लाइफ इन्स्योरेन्सले ६३ लाख कित्ता आईपीओ निष्काशन गर्ने भएको छ । कम्पनीले उक्त आइपिओ निष्काशनका लागि नेपाल धितोपत्र बोर्डमा आवेदन दिएको छ । कम्पनीले असार ९ गते आईपीओ निष्कासनको अनुमति माग गर्दै बोर्डमा आवेदन दिएको हो ।
कम्पनीले प्रति कित्ता १०० रुपैयाँको दरले ६३ करोड रुपैयाँबराबरको आपिओ निष्कासनको माग गर्दै बोर्डमा आवेदन दिएको छ । कम्पनीले आईपीओ निष्कासनका लागि बिक्री प्रबन्धकमा सानिमा क्यापिटललाई नियुक्त गरिसकेको छ ।
हाल एक अर्ब ४७ करोड चुक्ता पुँजी रहेको कम्पनीको आईपीओ निष्कासनपछि चुक्ता पुँजी दुई अर्ब १० करोड रुपैयाँ पुग्नेछ । यो कम्पनी २०७४ मंसिरबाट नयाँ जीवन बिमा कम्पनीका रूपमा सञ्चालनमा आएको थियो।
प्रतिक्रिया दिनुहोस्