- अर्थ सरोकार सुदूरपश्चिम ब्युरो
धनगढी । मंगलबार रातिदेखि लगातार परेको वर्षाका कारण धनगढी क्षेत्र डुबानमा परेपछि स्थानिय आन्दोलित बनेका छन् । बेलैमा पानिको निकास खोज्न नसक्दा धनगढी उपमहानगरपालिकाको वडा नम्बर २ र ३ क्षेत्र सबैभन्दा बढी प्रभावित भएको छ ।
झरीले धनगढीका अधिकासं बस्ती डुबानमा परेपछि धनगढीबासी आन्दोलित बनेका हुन् । यी क्षेत्रका अधिकांश घरभित्र पानि पसेको छ भने केही परिवार विस्थापित समेत भएका छन् । यति हुँदासम्म पनि नगरपालिको आफुहरुको सास्ती नदेखेको भन्दै स्थानियले आन्दोलन गर्दै मोहोना अत्तरीया ६ लेन सडक अवरुद्ध पारेका छन् ।
आन्दोलन गर्दै स्थानियले छिट्टै पानिको निकासका लागि पहल गर्नुपर्ने, समस्यामा परेका परिवारको पहिचान गरि उद्धार तथा राहतको व्यवस्था मिलाउनुपर्ने लगाएतका माग राखेका छन् ।
