- अर्थ सरोकार सम्बाददाता
काठमाडौं । साधना लघुवित्त वित्तीय संस्थाको आइपीओ आज (सोमबार) बाँडफाँट हुने भएको छ । आइपीओ बाँडफाँट बिक्री प्रबन्धक ग्लोबल आइएई क्यपिटलकै कार्यालय जमलमा साँझ ५ बजे हुने भएको हो । संस्थाको आइपीओमा कुल १ अर्ब १२ करोड ५९ लाख ८५ हजार रुपैयाँको आवेदन परेको छ । जसमा ४ लाख ५८ हजार ६४३ जनाले १ करोड १२ लाख ५९ हजार ८५० कित्ताका लागि आवेदन दिएका हुन् । जुन १७.०२ गुणा धेरै हो । गोलाप्रथा प्रणालीबाट आइपीओ बाँडफाँट हुनेछ ।
साधनाले असार २१ गतेबाट ७ करोड ७ लाख ८० हजार रुपैयाँ बराबरको ७ लाख ७ हजार ८०० कित्ता आइपीओ बिक्री खुला गरेको । जसमा ०.५०% अर्थात १० हजार ८९० कित्ता कर्मचारीलाई छुट्याइएको थियो । यस्तै, ५% अर्थात ३५ हजार ३९० कित्ता सामूहिक लगानी कोषलाई छुट्याइएको थियो । बाँकी रहेको ६ लाख ६१ हजार ५२० कित्ता सर्वसाधारणका लागि निष्काशन गरिएको थियो ।
हाल यस कम्पनीको चुक्ता पुँजी १४ करोड ६० लाख रुपैयाँ छ । आइपीओ निष्कासनपछि चुक्ता पुँजी २१ करोड ६७ लाख ८० हजार रुपैयाँ पुग्नेछ ।
