• अर्थ सरोकार सम्बाददाता

काठमाडौं । सगरमाथा इन्स्यारेन्स कम्पनीको प्रमुख कार्यकारी अधिकृत (सीईओ)मा चंकी क्षेत्री नियुक्त भएका छन् । कम्पनीको असार २५ गते बसेको सञ्चालक समितिको बैठकले क्षेत्रीलाई नियुक्त गरेको हो । क्षेत्रीको कार्यकाल असार १८ गतेदेखि लागू हुने गरी आगामी चार वर्षको लागि रहने कम्पनीले जानकारी गराएको छ ।

तर कम्पनीका कम्पनीसचिवले भने आफ्नै सीइओको नामसमेत लेख्न नजानेको तथ्य बाहिर आएको छ । उनले चंकी लेख्नु पर्ने ठाउँमा चंखू क्षेत्री लेखेका छन् । यस्तो पत्रलाई कानुनीसमेत मानिंदैन । नियमअनुसार अव पुन: कम्पनीले अर्को पत्र लेख्नुपर्नेछ ।

यता कम्पनीका सूचना अधिकारी श्रवण कुमार रावलले पनि कम्पनीको तर्फबाट गल्ती भएको र गल्ती तुरुन्त सच्याएर नेप्सेलाई अर्को पत्र पठाइने जानकारी दिएका छन् ।