सप्तरीमा मृत्यु भएका बृद्धको परिवारको कोरोना परिक्षण, यस्तो आयो रिपोर्ट

अर्थ सरोकार

४ श्रावण २०७७, आईतबार ११:१८

अर्थ सरोकार

४ श्रावण २०७७, आईत

अर्थ सरोकार सम्बाददाता

सप्तरी । सप्तरीमा मृत्यु भएका कोरोना संक्रमित बृद्धको परिवारको कोरोना परिक्षण भएको छ । कोरोना परिक्षणको रिपोर्टमा सबैजना सदस्यमा कारोना पोजेटिभ देखिएको छ ।

राजविराजका ७२ वर्षीय बृद्वको गत बिहीबार राति कोरोना संक्रमण पुष्टि भएको दुई घण्टामै बीपी कोइराला स्वास्थ्य विज्ञान प्रतिष्ठानको आइसोलेसनमा मृत्यु भएको थियो ।

मृत्यु भएका बृद्धकी पत्नी, छोरा, बुहारी र नाति, नातिनामासमेत कोरोना पुष्टि भएको राजविराज नगरपालिका-६ का अध्यक्ष प्रेम यादवले जानकारी दिए । संक्रमण देखिएका सबैलाई आइसोलेसनमा ल्याउने तयारी भइरहेको छ ।

मृतक बृद्धको परिवार दुई साताअघि भारतबाट फर्किका थिए । मृतकले आफ्नी पत्नीलाई उपचार गराउन गत फागुनमै परिवारसहित भारत गएका थिए ।