• अर्थ सरोकार सम्बाददाता 

काठमाडौँ । नेपाल राष्ट्र बैंकले मौद्रिक नीतिमार्फत बढाएको सेयर धितो कर्जा कार्यान्वयनमा आएको छ । राष्ट्र बैंकले मौद्रिक नीतिमार्फत ७० प्रतिशतसम्म ऋण दिन पाइने व्यवस्था गरेको थियो । जसअनुसार बैंकहरुले सेयर धितो कर्जाको ब्याजदर सार्वजनिक गरेका छन् ।

नेपाल इन्भेष्टमेन्ट बैंकले ७.८८ प्रतिशतदेखि १२.८८ प्रतिशत, लक्ष्मी बैंकले ९.२३ प्रतिशत १४.२३ प्रतिशत, कृषि विकास बैंकले ८.९० प्रतिशतदेखि १३.९० प्रतिशत, नेपाल बंगलादेश बैंकले ८.९५  प्रतिशतदेखि १३.९५ प्रतिशत, माछापुच्छ्रे बैंकले ९.२१ प्रतिशतदेखि ११.२१ प्रतिशत, एभरेष्ट बैंकले ८.२५ प्रतिशतदेखि १३.२५ प्रतिशतसम्म  सेयर कर्जाको ब्याजदर तोकेको छ । 

यस्तै एनएमबि बैंकले सेयर कर्जाको ब्याजदर १३.९५ प्रतिशतसम्म तोकेको छ । नबिल बैंकले ७.२५ प्रतिशतदेखि १२.२५ प्रतिशत, सेन्चुरी बैंकले १०.२७ प्रतिशतदेखि १४.५२ प्रतिशत, एनआइसी एसिया बैंकले १२.२२ प्रतिशतसम्म सेयर कर्जाको ब्याज तोकेको छ । साथै हिमालयन बैंकले ८.२७ प्रतिशतदेखि १३.२७ प्रतिशतसम्म, प्रभु बैंकले १३.३२ प्रतिशतसम्म, ग्लोबल आइएमई बैंकले १३.४२ प्रतिशतसम्म, सानिमा  बैंकले १३.६२ प्रतिशतसम्म, सनराइज बैंकले १३.९५ प्रतिशतसम्म, सिद्धार्थ बैंकले ९. ३ प्रतिशतदेखि १४. ३ प्रतिशतसम्म ब्याज निर्धारण गरेको छ । 

यस्तै नेपाल एसबिआइ बैंकले १४.२५ प्रतिशत, प्राइम कमर्सियल बैंकले १४.६२ प्रतिशत, सिभिल बैंकले १४.८४ प्रतिशत र कुमारी बैंकले १५.८ प्रतिशत कर्जाको ब्याजदर तोकेको छ ।