">
- अर्थ सरोकार सम्बाददाता
काठमाडौं । नयाँ आर्थिक वर्षको पहिलो दिन अर्थात् साउन १ गते सेयर बजारमा हरियाली छाएको छ । दिउँसो पौने २ बजेको अपडेट अनुसार नेप्से परिसूचक दोहोरो अंकले बढेको छ । बजार बढेसंगै लगानीकर्ता पनि उत्साहित देखिएका छन् । यो अवधिसम्म नेप्से २२.०९ अंकले बढेर १३८४.४३ बिन्दुमा पुगेको छ ।
यो समाचार तयार गर्दासम्म ५९करोड ७१ लाख माथिको कारोबार भएको छ भने १७७ कम्पनीको सेयर खरिदबिक्री भएको छ । पछिल्लो समय बैंकमा तरलता बढेपछि सेयर बजारमा सकारात्मक प्रभाव परिरहेको बताइन्छ । लकडाउनपछि खुलेको बजारले केहि दिन भने सुधारको गति लिन सकेको थिएन । तर पछिल्ला दिनमा नेप्से सुधारको बाटोतर्फ लागिरहेको छ ।
