• अर्थ सरोकार टेलिभिजन कार्यक्रम

शंकर ग्रुप तथा जगदम्बा स्टिलका सञ्चालक सुलभ अग्रवाल मिति २०७५ साल चैत्र २५ गते थर्मल गनको कालोबजारी गर्दै गर्दा रंगेहात पक्राउ परे । ५ हजार रुपैयाँमा पाइने उपकरणलाई १५ हजार रुपैयाँभन्दा धेरै मूल्यमा बिक्री गरेको अभियोगमा उनलाई प्रहरीले काठमाडौँको नक्सालबाट पक्राउ गरेको थियो । 

किर्गिस्तानको अवैतनिक राजदूतसमेत रहेका अग्रवालले त्यही हैसियतमा कूटनीतिक सुविधा पाउने गाडीसमेत प्रयोग गरी ती सामान कालोबजारी गरेका थिए । २०९ एचसीसी १ नम्बरको गाडीमा थर्मल गन बेच्दै हिँडेको अवस्थामा महाशाखाको टोलीले उनलाई रंगेहात पक्राउ गरेको थियो । उनी कसरी फसे ? त्यसपछि के भयो ? अन्य बैंकरहरु पनि किन धमाधम विभिन्न काण्डहरुमा फसिरहेका छन् ? हामीले भित्री तथ्य केलाउने प्रयास गरेका छौँ ।